1) உயிர்ப்பூ திரைப்படத்தில் நாயகனாக நடித்த நகுலன் பின்னர் கரும்புலியாக வீரச்சாவடைந்தது தெரிந்ததே. எப்போது எத்தாக்குதலில் அவர் வீரச்சாவடைந்தார்?
1995 மார்ச் 9 இல் திருகோணமலை புல்மோட்டைக்கடலில் வைத்து டோராப் படகினைத்தாக்கி வீரச்சாவடைந்தார்.


2)தமிழீழ விடுதலைப் போராட்ட வரலாற்றில் முதலாவது சிங்களப் படைமுகாம் தகர்ப்பு முயற்சி 1985இல் எங்கு,எப்போது
(இத் தாக்குதல் சுமார் 5 மணித்தியாலங்கள் நடந்தது;பல படையினர் கொல்லப்பட்டனர்;இத் தாக்குதல் ஒரு நாவலாகவும் பின்னர் வெளிவந்தது)
13.02.1985 அன்று முல்லைத்தீவு மாவட்டத்தில் உள்ள கொக்கிளாய் இராணுவமுகாம் மீது தாக்குதல் நடத்தப்பட்டது. இத்தாக்குதலில் 106 இராணுவத்தினர் கொல்லப்பட்டனர். 16 வீரர்கள் மாவீரர் ஆனார்கள். "விடிவிற்கு முந்திய மரணங்கள்" என்னும் நூலில் இத்தாக்குதல் சம்பவத்தை விபரித்து பங்குபற்றியவர் எழுதியுள்ளார். (எழுதியவர் பாரீசில் தற்போது வசிக்கின்றார்)

3)

http://ethiri.com/phpbb/viewtopic.php?f=10&t=4613

வேர்களுக்கு விழுதொன்றின் உள்ளம் நெகிழ்ந்த மடல்!


அன்புறவுகளே!

ஒருகணம் உங்கள் வாசல்களின் திசைதிரும்பி தலைசாய்த்து வணங்குகின்றோம்.

தமிழீழம். தமிழீழம். தமிழீழமே. அந்த ஒற்றைவார்த்தைக்காக உடமையிழந்து, உதிரம்சொரிந்து, உடலை அழித்து, உள்ளம்நசிந்து, உயிரைப்பிரிந்து போராடியவர்கள் நீங்கள். அந்த உன்னத இலட்சிய வேட்கையை அடிநாதமாகக் கொண்டு வாழ்பவர்களும் நீங்களே! நாங்கள் எத்தனை தடவை வீதிகளில் இறங்கி அடி வாங்கினாலும், உங்கள் தியாகத்திற்கு அது ஈடாகிவிடாது.

அந்நிய ஆக்கிரமிப்பிற்குள் அஞ்சாது நீங்கள் வாழும் வாழ்வு தன்னிகரற்றது. சனநாயக நாடொன்றில் எங்களுக்கு சகல உரிமைகளும் உண்டு. நாங்கள் எதையும் பேசலாம். எதையும் சிந்திக்கலாம். எவரையும் கண்டிக்கலாம். ஆனால் நீங்கள்?

திறந்தவெளிச் சிறையில் வாழ்பவர்கள்.
பேசுவதற்கு உரிமையிழந்து வாழ்பவர்கள்.
சாவை முதுகில் சுமந்தவாறு வாழ்பவர்கள்.
ஆனாலும் என்ன?

நீங்கள் சிந்திக்க மறுக்கவில்லை! விடுதலை என்ற இலட்சியப் பாதையில் இருந்து இம்மியளவும் நீங்கள் விலகவில்லை! விடுதலையே உயிர்மூச்சென்று வாழும் உங்கள்முன் நாம் தலைசாய்த்து நிற்கின்றோம்.

சிங்கள தேசத்தின் அதிபர் தேர்தல் அறிவிக்கப்பட்ட பொழுது நாம் கலங்கிப்போனோம். நாள்நெருங்க நெருங்க எமது குலைநடுங்கியது. கதிகலங்கியது. புலிகளின் தவறை நிவர்த்திய செய்யப் போவதாக சம்பந்தர் எக்காளமிட்ட பொழுது துக்கம் எமது தொண்டையை அடைத்தது.

ஆட்சி மாற்றத்திற்காக நீங்கள் ஏங்குவதாக சிலர் நீலிக்கண்ணீர் வடித்தபொழுது எமது இதயம்கலங்கி அழுதது. எல்லோரும் எதிர்பார்த்தார்கள், பேயை ஆட்சியில் இருந்து அகற்றிவிட்டு முனியை ஈழத்தமிழர்கள் ஆட்சியில் அமர்த்தப் போகின்றார்கள் என்று.

ஆனால் நேற்றுடன் அந்தநிலை மாறிவிட்டது.

சிங்கள தேசத்தின் அதிபர் தேர்தலைப் புறக்கணிப்பதற்கு நீங்கள் எடுத்த முடிவு சாதாரணமானதல்ல! அந்நிய ஆக்கிரமிப்பிற்குள், ஆயுத அடக்குமுறைக்குள், அந்நிய தேசத்தின் அதிபர் தேர்தலைப் புறக்கணிப்பதற்கு நீங்கள் எடுத்த முடிவு அபாரமானது. உங்கள் துணிச்சல் போற்றுதற்குரியது.

இறையாண்மை பொருந்திய சுதந்திரத் தமிழீழமே எமக்கானது என்று நாங்கள் இங்கு வாக்களிக்க, சிங்கள தேசத்துடன் நீங்கள் நல்லிணக்கம் செய்துவிடுவீர்களோ என்று நாம் அஞ்சினோம். வட்டுக்கோட்டை, வட்டுக்கோட்டை என்று நாங்கள் முழங்க, சிறீலங்கா, சிறீலங்கா என்று நீங்கள் கோசமிடுவீர்களோ என்று நாம் அஞ்சினோம். ஆனால்...

எல்லாவற்றையும் உடைத்தெறிந்து புலிகளை இழிவுபடுத்திய சம்பந்தரின் முகத்தில் நீங்கள் கரிபூசியது எமக்கு ஆறுதல் அளிக்கின்றது. பேயும் வேண்டாம், முனியும் வேண்டாம் என்று, ராஜபக்சவையும், பொன்சேகாவையும் நீங்கள் நிராகரித்தது எம்மைத் தலைநிமிர வைத்துள்ளது. சிங்கள தேசத்தின் அதிபர் தேர்தலை 80 விழுக்காடு தமிழீழ மக்கள் புறக்கணித்தார்கள் என்ற செய்தி பரவிய பொழுது எங்கள் இதயங்களில் பட்டாம்பூச்சி சிறகுவிரித்துப் பறந்தது.

ஆட்சி மாற்றத்தை நீங்கள் விரும்புவது உண்மைதான். ஆனால் தமிழீழத் தேசியத் தலைவரின் ஆட்சியை அல்லவா நீங்கள் விரும்புகின்றீர்கள்! அந்தப் பெருந்தலைவனின் வழியில் போராடும் புலிகளுக்காக அல்லவா நீங்கள் வாழ்கின்றீர்கள்!

உங்கள் கனவை நனவாக்குவது எமது கடன். இறையாண்மை பொருந்திய சுதந்திரத் தமிழீழத் தனியரசை நிறுவுவதே எமது இலக்கு.

வட்டுக்கோட்டைத் தீர்மானத்தை வலியுறுத்தி நாம் வாக்களிப்பது அதற்காகவே. இத்தளத்திலிருந்த முன்னகரும் ஒவ்வொரு அடியும் தமிழீழத் தனியரசை நோக்கியதே. அதற்காகவே. நாம் உயர்த்தும் ஒவ்வொரும் குரல்களும் உங்களுக்கானவை. நாம் எடுத்து வைக்கும் ஒவ்வொரு அடிகளும் உங்களுக்கானவை. அந்நியனிடம் வாங்கும் ஒவ்வொரு அடிகளும் உங்களுக்கானவை.

உறவுகளே!

தமிழீழத்தைக் கூறுபோடுவதற்கும், விடுதலைப் போராட்டத்தின் அடிப்படை இலட்சியங்களை காற்றில் பறக்க விடுவதற்கும் சில குழுக்கள் முற்படுவது கண்டு நீங்கள் சீற்றம்கொள்வது எமக்குப் புரிகின்றது. இருந்தாலும் ஒன்றை மட்டும் ஐயம் திரிவு இன்றி கூறிக்கொள்ள விரும்புகின்றோம்.

எவர் தடம்புரண்டாலும் தமிழீழத் தனியரசு என்ற இலட்சியத்தில் இருந்து நாம் விலகப் போவதில்லை. உங்கள் ஆணையை நாம் நிச்சயம் நிறைவேற்றியே தீருவோம். இது மாவீரர்கள் மீது ஆணை.

மீண்டும் சந்திக்கும் வரை...

- சேரமான் -

http://www.manithan.net/index.php?subaction=showfull&id=1264552048&archive=&start_from=&ucat=1&

ஜனவரி -11

"ஒரு விடுதலை வீரனின் சாவு ஒரு சாதாரண் மரண நிகழ்வல்ல. அந்தச் சாவு ஒரு சரித்திர நிகழ்வு. ஒரு உன்னத இலட்சியம் உயிர் பெறும் அற்புதமான நிகழ்வு. உண்மையில் ஒரு விடுதலை வீரன் சாவதில்லை. அவனது உயிராக இயங்கி வந்த இலட்சிய நெருப்பு என்றுமே அணைந்து விடுவதில்லை. அந்த இலட்சிய நெருப்பு ஒரு வரலாற்றுச் சக்தியாக மற்றவர்களைப் பற்றிக் கொள்கின்றது. ஒரு இனத்தின் தேசிய ஆன்மாவைத் தட்டியெழுப்பிவிடுகின்றது."

தமிழீழ தேசியத் தலைவர்

மேதகு வே.பிரபாகரன்

யாழ் தீவகம் சாட்டியில் மாவீரர் துயிலும் இல்லம் படையினரால் அழிப்பு

யாழ்ப்பாணத்தின் தீவகத்தில் உள்ள சாட்டி மாவீரர் துயிலும் இல்லம் சிறீலங்காப்படையினரால் அழிக்கப்பட்டுள்ளதாக தெரிவிக்கப்பட்டுள்ளது.

தாயக விடுதலைக்காக போராடி தம் இன்னுயிர்களை ஈகம்செய்த ஆயிரம் ஆயிரம் மாவீரர்களை வணங்கும் மாவீரர் துயிலும் இல்லங்கள் தமிழர் தாயகப்பகுதிகளில் அமைக்கப்பட்டு மக்கள் வணக்கம் செலுத்தி வந்துள்ளார்கள்.

இந்நிலையில் சிறீலங்காப்படையினரின் ஆக்கிரமிப்பு பிரதேசங்களில் உள்ள மாவீரர் துயிலும் இல்லங்கள் அழிக்கபட்டுள்ளதுடன் யாழ்ப்பாணத்தில் கோப்பாயில் அமைக்கப்பட்ட மாவீரர் துயிலும் இல்லம் அழிக்கப்படாமல் இருந்த நிலையில், அண்மையில் சிறீலங்காப்படையினரால் அழிக்கப்பட்டுள்ளது.

வன்னியில் தமிழர்கள் வாழ்ந்தார்கள் என்பதற்கான ஆதாரங்கள் மற்றும் தமிழர் பண்பாட்டு விழுமியங்கள் வழிபாட்டுதலங்கள் என்பன சிறீலங்காப்படையினரால் அழிக்கப்பட்டுள்ள நிலையில் யாழ் தீவகத்தில் சாட்டி மாவீரர் துயிலும் இல்லமும் சிறீலங்காப்படையினரால் அழிக்கப்பட்டுள்ளது.

இந்த நடவடிக்கைகளை பசில் ராஜபக்சவே முன்னின்று செய்வதாகவும், இப்படியான இடித்தழிக்கப்பட்டுள்ள மாவீரர் துயிலும் இல்லங்களில் சிறீலங்கப்படையினரின் போர் வெற்றி நினைவு தூபிகளை அமைக்க ஏற்பாடுகள் நடைபெற்று வருவதாக செய்திகள் மேலும் தெரிவிக்கின்றன. இந்நடவடிக்கையானது தமிழர்களின் இதயங்களில் என்றும் ஆறாத வடுக்களை ஏற்படுத்தும் என அவதானிகள் தெரிவிக்கின்றனர்.